introduction

Dydd Sadwrn 21 Mehefin a dydd Sul 22 Mehefin
Gan ein bod yn cynnal Joust! y penwythnos hwn, bydd yr holl docynnau mynediad yn costio £14 i oedolion a £10 i blant.

Sylwer nad yw’r pris yn cynnwys taith dywys o amgylch y Castell. Gellir prynu tocynnau am y teithiau tywys am £2.50 ychwanegoI i oedolion a £1.50 i blant

Ar gyfer trigolion
neu weithwyr Caerdydd yn unig

Mae Castell Caerdydd yn un o atyniadau ymwelwyr mwyaf blaenllaw Cymru. Gwelir yng nghanol y Brifddinas, gerllaw siopau canol y ddinas a Pharc Bute godidog, mae tyrau tylwyth teg hudolus y Castell yn cuddio'r ystafelloedd ysblennydd.

Ceir hanes sy'n ymestyn bron i 2,000 o flynyddoedd, ers dyddiau'r Rhufeiniaid yn y ganrif gyntaf OC tu mewn i'r waliau grymus. Ar ôl Concwest y Normaniaid, adeiladwyd Twˆ r y Castell ac fe'i dilynodd â nifer o wrthgloddiau ac anheddau Canoloesol wedi hynny.

Daeth nifer o deuluoedd pendefigaidd i feddiannu'r Castell, hyd 1766, pan gafodd ei roi drwy briodas i'r teulu Bute. Ail Farcwis Bute oedd yn gyfrifol am droi Caerdydd yn borthladd allforio glo mwyaf llewyrchus y byd. Cafodd y Castell a chyfoeth Bute ei basio ymlaen i'w fab John, y 3ydd Marcwis, a oedd erbyn y 1860au, y dyn mwyaf cyfoethog yn y byd, yn ôl pob tebyg.

O 1866 cyflogodd y 3ydd Marcwis y pensaer arbennig William Burges i drawsffurfio tai llety'r Castell. Yn y tyrau gothig creodd ystafelloedd helaeth a godidog, â chyfoeth o furluniau, gwydr lliw, marmor, eurwaith a cherfweithiau pren manwl. Mae gan bob ystafell ysblennydd ei thema arbennig ei hun, gan gynnwys gerddi Canoldirol ac addurniadau Eidalaidd ac Arabaidd.

Yn ogystal ag ymweld â'r ystafelloedd ysblennydd, gall ymwelwyr fwynhau tir y Castell, lle ceir peunod, hwyaid a gwyddau'n crwydro'n rhydd, a gellir mwynhau egwyl yn Ystafelloedd Te y Castell sy'n cynnig croeso cynnes am goffi, cinio ysgafn a the prynhawn.

Ac i orffen, gall ymweliad i'r siop anrhegion wrth y brif fynedfa ddarparu rhywbeth i gofio'r safle unigryw hwn.